الفارس الإسلامي الطائر
نرجو من اعضائنا الكرام تسجيل الدخول لأن ذلك يؤثر علي احصائية الاعضاء المتواجدون خلال 24 ساعه
ويمكنه ان يؤثر بالسلب علي بقية الاعضاء

جزاكم الله خيراً

الفارس الإسلامي الطائر


 
الرئيسيةاليوميةس .و .جقائمة الاعضاءالمجموعاتالتسجيلدخول
المواضيع الأخيرة
تصويت
هل هذا الاستايل احسن ام الاستايل ذو اللون البمبي السابق ؟
 الاستايل السماوي ده احسن
 الاستايل البمبي احسن
 كلاهما جيد
 كلاهما عادي مش فارقة كتير
استعرض النتائج
راسل الادارة اونلاين
Advanced IP Tracing
اشترك في قائمتنا البريدية






اشتراك في مجموعة الفارس الإسلامي الطائر
البريد الإلكتروني:

زيارة هذه المجموعة

شاطر | 
 

 لازم تدخل علشان رأيك يهمنا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
cindrella



Posts : 1083
Points : 1939
Reputation : 23
Join date : 19/04/2009

مُساهمةموضوع: لازم تدخل علشان رأيك يهمنا   2010-01-23, 07:15


مبدئيا كده الموضوع ده مش فكرتي أنا لوحدي

فكرة نوجا كمان و في سارة اتناقشت معايا فيها و حوارات كتيرة كده
بس الموضوع ده

هنتكلم فيه دلوقتي عن مشكلة بنواجهها حاليا مش عارفين كانت ايه بدايتها أو من فين و بعدين ايه اللي طورها كده
اتشوقتوا تعرفو ؟؟؟؟؟

هقولكم

بس عايزة أسأل سؤال

مفيش حد في الدنيا دي حياته كلها نعيم
لا نعيم دائم و لا شقاء مستمر
يعني الدنيا فيها كده و فيها كده

و أي انسان فيها بيتعرض لمشاكل أكيد
ليه بقى الشباب مثلا حاليا من أول مشكلة يقع فيها بيضعف و بيقع
ليه بيلجأ للمخدرات
؟؟؟؟؟
غريبة

و انتشر الادمان أوي
و بقى هو الوسيلة اللي الانسان بيهرب بيها من مشاكله

طيب ليه ؟؟

هنقول علشان ينسى
لو احنا بنفكر بالعقل اللي ربنا اداهولنا و ميزنا بيه عن كل المخلوقات هنفكر ألف مرة قبل حاجة زي دي لأن فيها حياتي و فيها مماتي

طب نسيبنا من المخدرات مع انها حاجة غريبة أوي نتكلم في حاجة تانية
يا ترة ليه
الشباب اللي بيصاحبوا حاليا
تلاقي الواحد من دول يحب في الواحده زمن و في الآخر تسيبه
يتجرح
عادي
من لا يتألم لا يتعلم
لكن هو من أول جرح في أول قصة حب و في أول مشكلة تقابله
يا إما يعمل زي الناس اللي فوق و يدمن يا إما يكون حد كويس و يرجع لربنا ( ودول قليلين أوي ) يا إما هيقرر ينتقم
يمعنى انه يصاحب بنات كتير أوي و في وقت واحد
و يضحك عليهم و يفهم كل واحده انه بيحبها و هي يا عيني طيبة و كل ذنبها انها حبته بجد و في الآخر يسيبها برده

ليه كده بقى
أنا لخصت الموضوع جدا بس ده لأنكم عارفين اني ورايا مذاكرة كتير
بس عايزة أعرف رأيكم بقى
ليه ما بقيناش نلجأ لربنا في مشاكلنا العادية
و ليه بقينا بنضعف من أول مشكلة نقع فيها و نتعرضلها
ليه بقينا بنضعف أدام حاجات تافهة أوي
و بقينا بدل ما نلجأ للي يقدر ( ربنا ) بنلجأ للي مش هيعمل حاجة بالعكس ده هيضرنا ( المخدرات ) أو الانتقام و اللعب ببنات الناس

قال إبليس عجبا لبني آدم يبغضونني و يطيعوني و يحبون الله و يعصونه .....
أنا عايزة اللي يدخل الموضوع يبقى لازم يرد
قول رأيك
رأيك يهمنا

لازم تشاركي يا شيمو
لازم تقوليلنا رأيك يا نوجا
و طبعا paradise
و انتي يا مريمية
و كمان المجاهد يشاركنا
admin
شاركنا


في انتظار مشاركاتكم

و ياريت اللي يشارك يقولنا من وجهة نظره نشأت ازاي المشكلة
و ازاي اتطورت للأسوأ كده
و ازاي نقدر نحلها
و اللي مش عارف يقول اللي عارفه و أدينا بنتناقش

كلنا يا جماعه لازم نتكلم


الرجوع الى أعلى الصفحة اذهب الى الأسفل
Admin
Admin
Admin


Posts : 886
Points : 1549
Reputation : 18
Join date : 18/04/2009

مُساهمةموضوع: رد: لازم تدخل علشان رأيك يهمنا   2010-01-23, 11:37

مناقشة مهمة

سيوضع الموضوع كاعلان ان شاء الله لكي يشارك فيه الجميع

وانتظروا مشاركتي معاكم
الرجوع الى أعلى الصفحة اذهب الى الأسفل
http://mbird2005.ibda3.org
Admin
Admin
Admin


Posts : 886
Points : 1549
Reputation : 18
Join date : 18/04/2009

مُساهمةموضوع: رد: لازم تدخل علشان رأيك يهمنا   2010-01-23, 13:36

cindrella كتب:

ليه بقى الشباب مثلا حاليا من أول مشكلة يقع فيها بيضعف و بيقع
ليه بيلجأ للمخدرات
؟؟؟؟؟
غريبة

و انتشر الادمان أوي
و بقى هو الوسيلة اللي الانسان بيهرب بيها من مشاكله

طيب ليه ؟؟

هنقول علشان ينسى
لو احنا بنفكر بالعقل اللي ربنا اداهولنا و ميزنا بيه عن كل المخلوقات هنفكر ألف مرة قبل حاجة زي دي لأن فيها حياتي و فيها مماتي

طب نسيبنا من المخدرات مع انها حاجة غريبة أوي نتكلم في حاجة تانية
يا ترة ليه
الشباب اللي بيصاحبوا حاليا
تلاقي الواحد من دول يحب في الواحده زمن و في الآخر تسيبه
يتجرح
عادي
من لا يتألم لا يتعلم
لكن هو من أول جرح في أول قصة حب و في أول مشكلة تقابله
يا إما يعمل زي الناس اللي فوق و يدمن يا إما يكون حد كويس و يرجع لربنا ( ودول قليلين أوي ) يا إما هيقرر ينتقم
يمعنى انه يصاحب بنات كتير أوي و في وقت واحد
و يضحك عليهم و يفهم كل واحده انه بيحبها و هي يا عيني طيبة و كل ذنبها انها حبته بجد و في الآخر يسيبها برده

ليه كده بقى


السلام عليكم ورحمة الله

1- بالنسبة لموضوع ان الشباب بيقع من اول مشكلة
مش شرط ان الواحد تكون دي اول مشكلة ليه
بمعني ان الشخص ده ممكن عنده مشاكل كتيرة اما المشكلة دي قطمت ظهره فبيتكلم عليها هي بس
فالمستمع يفتكر ان دي اول مشكلة

2- هل الادمان هروب من المشاكل :-
الادمان دي كلمة مشتقة من اللي بيحصل فعلا فكل واحد بيبقي عايز ينسي مشاكله
فبيدمن علي حاجة تانية
مش لازم مخدرات
ولكن ممكن يدمن تفكير او يدمن بكاء او يدمن عياط او يدمن مواد اباحية او يدمن سلوك سيء او يدكم انترنت او يدمن شرب كحوليات - او ادمان علي الطاعات

كل ده هروب من المشكلة هو حاسس انه مش عارف يفكر فبيوقف تفكيره وبيحاول ينشغل في حاجة تانية
وافضل الانواع للهروب هي انه يدمن ويقدم علي طاعه الله او يدمن في شغله
ده لو الحل الوحيد انه ينسي مشكلته لأنها مش بايده
ولو فعلا ادمن علي طاعه الله يبقي بيلجا لربنا اللي في ايده حل كل المشاكل
بس الشيطان بيحسس الواحد ان ربنا مش هيستجيب له عشان ينهي العبد عن عبادة ربه ويخليه يدمن مخدرات و و و

كتير مننا عارف الكلام ده بس بيبقي صعب عليه يطبقه وهي دي المشكلة
ودي من ضمن حروبنا على الشيطان اننا نقص مكائد الشيطان واننا نطلع مواهبنا وافكارنا هنا عشان نشجع بعض


3- ليه الواحد بينجرح جامد في مشكلة حب مثلا ؟
عشان كلامي يبقي سليم هتكلم عن الحب بين الزوجين
لو واحد فيهم ساب التاني بيبقي فعلا جرح سواء من الزوج او الزوجة + بيبقي مش عارف ده حصل ليه هل حكم او حكمت عليه غلط في الاول عند الاختيار وليه ضيعت وقت معاه
وليه غدرت بيه او غدر بيها
بيبقي الجرح جامد خاصة لو بنت لأن المفروض البنت لما بتدي قلبها لزوجها بيبقي كل حياتها
ده لو هي بتحبه
المشكلة ممكن متبنش ليكم قوي بس فعلا لما تختاري حد وتعملي عشانه حاجات كتير وبعد كده يبيعك بتبقي جمده قوي ومش بتشوفي ايه هي الاسباب وممكن يكون السبب مجرد تغير نفسي ان الواحد خلاص مبقاش يحب الطرف الاخر ودي بتحصل كتييير جدا
بس الزواج بيبقي فيه كمان العشرة + الحب فلو قل الحب المفروض العشرة مبتهونش ولكن طبعا الشيطان بيفبرك كل ده ويشعللها حرب

4- انتي بتقولي الانتقام انه يعرف بنات تانية
مين اللي قال ليكي انه لما يعرف بنات كتير يبقي بينتقم
في كذا حاجة غيبة عن بالكم في الرجل والله اعلم برده كل الرجالة كده ولا لأ
اول حاجة ان الرجل يقدر يحب فعلا كذا واحدة في نفس الوقت وميكونش بيضحك عي اي واحدة فيهم
عشان كده انا رايي ان تعدد الزواج مش معناه انه لازم يكون مبيحبش مراته الاولي

وفي شباب تانية بيتعرف مجرد تعارف عشان يكلم دي ويهذر مع دي ويتسلي بيهم بصرف النظر عن اي حاجة عشان كده من الاول تبقي عرفة هل الموضوع هيبقي خطوبة وكده ولا الموضوع صحوبية وهذار وتسلية و و و

اما المجروح لما ييجي بنتقم هل هينتقم علي كلامك بانه يضحك علي بنات ؟؟؟
طيب مهو اولي ليه انه ينتقم من اللي عمل فيه كده مش ينتقم في حد تاني
بالاضافه اصلا انه المفروض قلبه رقيق وحس يعني ايه الم وبيحاول انه يداوي الالم ده بانه يفتح حياة جديدة
مش انه يكرر الالم اللي حصل له مع حد تاني يكون هو الجاني وقتها

هتقولي مثلا ممكن الواحد يبقي مجروح واتعرف علي حد تاني وبعد كده ساب التاني
بمعني واحدة متزوجة اطلقت ولما اتخطبت تاني هي اللي سابت خطيبها ؟؟
اقولك دي ممكن يبقي ليها مليون سبب منهم
1- يا اما خلاص عرفت اذاي تحكم علي الشخصية اللي قدامها هي متوافقة ولا لأ
2- شافت في خطيبها حاجات مشابهة لزوجها الاولاني وعرفة ان الحاجات دي هتعمل مشاكل
3- المجروح بيبقي ليه تعامل خاص شوية ودي بينة من الاسم "المجروح"
يعني الزوجة او الزوج المجروح لما حد يخفف عنه جرحه زوجة جديدة مثلا او زوج جديد
بيبقي الجديد ده بالنسبة له هو الدكتور وهو امله ده المفروض
وفي نفس الوقت برده اقل حاجة تقدر تحجرحه تاني لأنه اصلا بينزف يبقي لو اتعاملتم معاه غلط هينزف اكتر وبسهولة اكتر



ده رايي الشخصي والله اعلم المثال ده بيطبق علي كل الناس ولا لأ وانا بريء من اي نتيجة تتفهم غلط من الفكرة دي وكلامي عن المتزوجين ودي مجرد اراء وكل واحد برده يحكم عقله هو
الرجوع الى أعلى الصفحة اذهب الى الأسفل
http://mbird2005.ibda3.org
شيماء زيدان
مساعد مشرف
مساعد مشرف


Posts : 2571
Points : 5348
Reputation : 26
Join date : 19/04/2009
Age : 34
Location : دمياط

مُساهمةموضوع: رد: لازم تدخل علشان رأيك يهمنا   2010-01-23, 16:00

السلام عليكم ورحمة الله وبركاته
هو الموضوع جميل و بيحصل ديما فى الدنيا بس بيختلف درجه تحمل الافراد
انا فى اعتقادى اللى كان بيرسم الحب ده خاين والمفروض ان الطرف التانى يفرح مش يحزن يفرح انه انكشف وبان
لازم بربى اولادنا ان شاء الله صح على الاسلام ويبقوا قوين المؤمن القوى خير من المؤمن الضعيف عشان لو بعد الشر وجهم خيانه يقدروا يستحملوا ويرضوا بالمكتوب ويعرفوا الهدف ان ربنا حطه فسكتهم
اما به المخدرات فادى لضعاف الشخصة وربنا يحمى شبابنا منها امين يارب
واما اللى بينتقم يبقى هو وحش لان مش كل البنات اللى خانته ومش كل الرجاله خاينين بدليل هم موجودين
انا عن نفسى لو حصلى كده بعد الشر
هزعل مش هقول مش هزعل وتاثر بس هرضا ان شاء الله هرضا ان ربنا عيزلى كده
وهقول اللهم اجرنى فى مصيبتى واخلفنى خيرا منها وهصبر وحاول انسى النسيان نعمه والايام بتقلل الحده وشويه شويه هنسى او هيبقى ذكرى
واكيد ربنا هيعوضنى ان شاء الله
الرجوع الى أعلى الصفحة اذهب الى الأسفل
nogamath
مساعد مشرف
مساعد مشرف


Posts : 1210
Points : 2454
Reputation : 10
Join date : 25/04/2009
Age : 34
Location : إذا اشتكى مسلم في الهند أرقني وإن بكى مسلم في الصين بكاني ومصر ريحانتي والشام نرجستي وفي الجزيرة تاريخي و في المغرب الاسلامي عنواني وفي العراق أكف المجد ترفعني إلى بساتين عز ذات أفنان ويسكن المسجد الأقصى وقبته في حبة القلب أرعاه ويرعاني أرى بخارى بلادي وهي نائية وأستريح إلى ذكرى خراسان شريعة الله لمت شملنا وبنت لنا معالم إحسان وإيمان و حيث ما ذكر اسم الله في بلد عددت ذاك الحمى من لب اوطاني

مُساهمةموضوع: رد: لازم تدخل علشان رأيك يهمنا   2010-01-23, 19:50

اقتباس :
ليه ما بقيناش نلجأ لربنا في مشاكلنا العادية
و ليه بقينا بنضعف من أول مشكلة نقع فيها و نتعرضلها
ليه بقينا بنضعف أدام حاجات تافهة أوي
و بقينا بدل ما نلجأ للي يقدر ( ربنا ) بنلجأ للي مش هيعمل
حاجة بالعكس ده هيضرنا ( المخدرات ) أو الانتقام و اللعب ببنات الناس


ع
مبقناش نلجأ ربنا فى مشاكلنا عشان الناس اتلهت فى حاجات كتير وتصورت ان الحاجات التانيه هى الى هتحللها مشكلتها زى الفلوس والحب الزائف والشهره وكده
بنضعف ليه من اول مشكله مش كل الناسش بتضعف من اول مشكله بس ده تبع نوعها وتبع الشحخصيه الى بتستقبل المشكله
بنضعف قدام حاجات تافهه لاننا ادنلها اكتر من حجمها وقيمتها
لازم نفهم الحكمه من الحياه عشان يبقى الهدف واحدومنتهش ومندورش على بادائل
الرجوع الى أعلى الصفحة اذهب الى الأسفل
cindrella



Posts : 1083
Points : 1939
Reputation : 23
Join date : 19/04/2009

مُساهمةموضوع: رد: لازم تدخل علشان رأيك يهمنا   2010-01-24, 09:01


أولا شكرا جدا ليكم على اهتمامكم و ردودكم الحلوة
و كويس ان احنا اتناقشنا بجد

و شكرا جدا لـadmin

على مشاركته معانا كانت حلوة و منظمة بس أنا اختلفت معاك في بعض الآراء ...
لسبب

لما انت جيت تتكلم عن المخدرات و الادمان قلت كل اللي احنا عارفينه و ان احنا بنبقى فاكرين انها بتخرجنا من المشكلة\\بس أنا عايزة أعرف


في رأيك انت ايه اللي وصلنا الفكرة دي
و ليه احنا بدل ما بنحاول نتغير بنفكر في اللي ينسينا
و ازاي نقدر نغير النقطة دي بس بطريقة عملية مش بكلام انشا


و كمان لما جيت تتكلم عن الشاب مثلا اللي اتجرح في أول قصة حب و انقطم و بتاع

لما بعد اللي بيمر بيه ده و يعرف ميت بنت في وقت و احد و يضحك عليهم
ازاي ما تسميش ده انتقام

معاك ان ممكن يحب أكتر من واحده \
بس لما يضحك عليهم ده انتقام

أحكيلك قصة واحد أنا أعرفه معرفة شخصية

الواحد ده شخصية عظيمة جدا وحب بنت و سابته

و هو قرر ينتقم من كل البنات و بقى عارف عدد مهول من البنات في وقت واحد
و بعد كده ينفضلهم لغاية لما افتكر انه عنده اخوات و بكرة يبقى عنده بنت


و بدأ يفكر هو استفاد ايه من الموضوع ده
و استفاد حاجات كتير غيرها فعلا

تفتكر كان ايه الي حصل لو كان فكر كده من الأول


الرجوع الى أعلى الصفحة اذهب الى الأسفل
Admin
Admin
Admin


Posts : 886
Points : 1549
Reputation : 18
Join date : 18/04/2009

مُساهمةموضوع: رد: لازم تدخل علشان رأيك يهمنا   2010-01-24, 11:09

cindrella كتب:

بس أنا عايزة أعرف
في رأيك انت ايه اللي وصلنا الفكرة دي
و ليه احنا بدل ما بنحاول نتغير بنفكر في اللي ينسينا
و ازاي نقدر نغير النقطة دي بس بطريقة عملية مش بكلام انشا



اللي وصلنا لكده غالبا الاعلام ورفقاء السوء
لأن الناس شيفة ان المخنوق بيبقي شكله عامل كده
يعني الاعلام مصور ديما ان المخنوق بيدمر نفسه
وحاجة تانية ان الشيطان بياخد حتة ان الواحد مخنوق عشان يدخل من الحتة دي لقلبه

cindrella كتب:

و كمان لما جيت تتكلم عن الشاب مثلا اللي اتجرح في أول قصة حب و انقطم و بتاع لما بعد اللي بيمر بيه ده و يعرف ميت بنت في وقت و احد و يضحك عليهم
ازاي ما تسميش ده انتقام

معاك ان ممكن يحب أكتر من واحده \
بس لما يضحك عليهم ده انتقام

أحكيلك قصة واحد أنا أعرفه معرفة شخصية

الواحد ده شخصية عظيمة جدا وحب بنت و سابته

و هو قرر ينتقم من كل البنات و بقى عارف عدد مهول من البنات في وقت واحد
و بعد كده ينفضلهم لغاية لما افتكر انه عنده اخوات و بكرة يبقى عنده بنت


و بدأ يفكر هو استفاد ايه من الموضوع ده
و استفاد حاجات كتير غيرها فعلا

تفتكر كان ايه الي حصل لو كان فكر كده من الأول


انا متفق معاكي انه المفروض صح ما يضحكش عليهم
وممكن يكون فعلا انتقام
لو القصة زي منتي بتحكي
ويمكن يكون لأنه فقد الامل في الحب واتغير هو للاوحش

بس انا شوفت قصة مشابهة
وهو كان بيدور علي الحب فعلا للزواج يعني كان عايز يبتدي حياته من جديد

اما القصة بتعتك ميشترطش انه يكون مجروح اصلا
لأن فيه شباب بتعمل كده اساسا
سواء اتجرح او متجرحش

وبرده عشان ما اظلمش الشخصية اللي بتتكلمي عنها
هل هو اعترف بلسانه انه بيتسلي بيهم ولا ادي استنتاجات منك ؟؟

هو الدين حل لينا القصة دي
البنت دلوقتي بتكلمه اساسا علي اساس ايه ؟؟
هل واعدها بالزواج ؟؟

فيه اشكال كتيرة من الاحداث تقدر تخلينا نقدر نستنتج تفكيره

ولكن المفروض ولا مصاحبة ولا حب الا لو هدفه الزواج وبرده بشروط
الرجوع الى أعلى الصفحة اذهب الى الأسفل
http://mbird2005.ibda3.org
marimaya



Posts : 368
Points : 587
Reputation : 13
Join date : 11/05/2009

مُساهمةموضوع: رد: لازم تدخل علشان رأيك يهمنا   2010-02-04, 03:16

اسباب الادمان

صحبة سيئة1
في رأيي الصحبة السيئة من أقوي اسباب الادمان لان من غيرها انت ممكن متفكرش فيها ولو فكرت مش ها تعرف تجيبها ولو عرفت مش ها تكمل لوحدك
ولو سألت اي انسان مدمن ادمن لوحده هايقول لك لأ
لازم اصحابه ,يمكن عشان مش عايز يحس انه اقل منهم
يمكن عايز يحس انو راجل ومبيخفش
وبتبدأ بسيجارة ثم ثم ثم
2 وقت فراغ
طول ما الانسان قاعد فاضي عايز يملي وقته ,يفكر يمليه ازاي
ممكن يكون قضي نص يومه كويس في حاجات متغضبش ربنا
طب والنص التاني ,مرة في مرة يتولد عنده احساس بالزهق والملل
يقول مرة واحدة تغيير وخلاص
ومرة تجيب مرة ومرة ومرة
3 فلوس كتير
واحد شاب عنده صحة وفلوس جاب عربية وموبايل ولاب توب وكل اللي نفسه فيه
ولسا معاه فلوس
يمكن اتفرج أول مرة ,يمكن حس انها حاجة جديدة ,يمكن حس انو لقي نفسه معاها بما ان ماماته وباباه مش مهتمين بيه وسايبينه ومحدش بيسئل عليه
فراح وجرب وبكمبة اكتر رحب
4 يأس واحباط
مفيش شغل مفيش فلوس مفيش جواز
مفيش حاجة
حياته مليانه مشاكل مطلوب منه يعمل كل حاجة وهو مش عارف يعمل أي حاجة
يقوم يهرب من كل اللي عنده ده
عشان ميفكرش في اي حاجة
الرجوع الى أعلى الصفحة اذهب الى الأسفل
 
لازم تدخل علشان رأيك يهمنا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الفارس الإسلامي الطائر :: مواضيع عامة :: ساحة الحوار والنقاش-
انتقل الى: