لقد تم حذري من احدي المنتديات الاجنبية!!!

يا جماعة الموقف ده حصلي ومش عارفة اكمل ولا اعمل ايه

انا فعلا دخلت احدي المنتديات الاجنبية وبدأت ارسل رسائل خاصة لبعض البنات في المنتدي
ودي الرسالة اللي بعتها ل 11 بنت تقريبا
first, how do you do?

I wish you are fine

can i ask you a question?

you have a proplem in your life

(any proplem)

so , dont worry

I have the solution to solve it

just say _la elah ela allah_

Believe me you will not loose any thing

but Iam sure that your proplem will solve

just try...................

thank you for your reading

اوفي اليوم اللي التالي لقيت لما اجي اسجل دخول بيقولي كده

تم منعك للسبب التالي :
أي سبب محدد.

التاريخ الذي سيتم رفع هذا الحظر : أبدا

انا مش عارفة اكرر الرسالة دي منتديات اجنبية تانية ولا لا

أنا رأى انك تكررى حتى ممكن تدخلى باسم أخر لان ممك واحد على الاقل يستفيد وانت مش هتخسرى حاجه بس ممكن تغيرى المحتوا
والله يهدى من يشاء احنا بس بنكون سبب والله اعلم

السلام عليكم ورحمة الله وبركاته

اه يجازيكي كل خير علي نيتك الطيبة باذن الله
ولكني مختلف معاكي في نقطة صغيرة وممكن ده يكون سر حظرك من الموقع الاجنبي
وهي انك بتخلي الناس تنطق كلمة التوحيد من غر ميفهموها وبكده هيفهموكي غلط وانك عيزه تعملي حاجة غصب عنهم
وفي نفس الوقت انتي فعلا مهديتهمش للاسلام
انتي كده خليتيهم ينطقوا كلمة مش عرفين معناها
وبالتالي لما كتشفوا معناها اتضيقوا لأنو حسسوا انك اجبرتيهم علي حاجة

يبقي ايه رايكم ان الصح يكون اننا نبعت حاجة بتقول نفس للي بتقوليه
وفي الاخر خاااالص بدل مينطقوا التوحيد ممكن نعمل حاجة من الاتتنين في اخر الرسالة

1- يا اما تقولي "لو انت متضايق ومهموم وكده خلاص اقرا عن الاسلام"
2- يا اما تطلبي منهم ان كل واحدة تعرض مشكلتها وبعدين انتي تشرحي لهم الاسلام حلها اذاي
يعني مثلا لو واحد زعلان انه اتسرق
تقولي ديننا بيحرم السرقة وان المفروض السارق تقطع يده

وهكذا

وحتي عشان موضوع اجاباتك عن الاسئلة مينحذفش
ممكن تكتبيه هنا ونخصص قسم للانجليزي تكلميهم فييه وتحطي لهم اجاباتك ونصحك واي حاجة اسلامية اجنبية تسهل عليهم معرفة الاسلام بلغتهم
ثم تطبعي لهم اللينك وتحطيه في المنتدي الاجنبي

ايه رايكم ؟؟؟ مش ده ممكن يكون السبب من وراء حظرك ؟؟ ومش الطريقتين دي هيعملوا المقصود بطريقة فعالة ؟؟

Admin كتب:: 2- يا اما تطلبي منهم ان كل واحدة تعرض مشكلتها وبعدين انتي تشرحي لهم الاسلام حلها اذاي
يعني مثلا لو واحد زعلان انه اتسرق
تقولي ديننا بيحرم السرقة وان المفروض السارق تقطع يده

حلو ده جدا كمان ...
لأن ممكن يكون فيه حد علماني..
فتخيلي لما يكون حد مش ليه ديانة أصلا..
عارفة لما يكون حد مالوش ديانه كأنه مش عايش..
عايش ليه....هو مش عارف..
تقوله انت بتعبد مين .. يقولك و أعبد ليه ما أنا حلو أهو...

هو مش فاهم .
حتى لو انتي عرضتي عليه الفكرة

ماتكونش فكرة اعتناق الاسلام

فكرة بس ان هو لازم يقرأ و يختارله ديانه....
و كمان ما تبينيش ان فيه اختلاف بين الديانات .. بالعكس. وضحي ان كلهم بيدعوا لأنه اله واحد بس مع شوية اختلاف في وجهات النظر
و ان بس هم اختلافاتهم على حاحت عندنا حرام عندهم لأ
مش ده اللي هيخلي خلاف بيننا...

تمام؟

المهم و حتى لو مثلا الشخص الفلاني ده قالك اختاريلي ديانه .. أنا مش بعرف

قوليله لأ
انت اقرأ و انت اختار و انت اعتنق اللي انت عايزه عن اقتناع تام ...
و كمان لأنك أكيد لو اخترتي هتقولي الاسلام ..

ولو قلتي الاسلام يبقى خليكي واثقة 100 في 100 انه مش هيكمل...

مش هيقدر يواصل
بعد ما كان عايش حياته بالطول و العرض و كل حياته عادي..
تحرميها كلها فجأه

يبقى هي لازم تيجي بالهداوة و خطوة بخطوة لو انتي فعلا عايزة تدخليهم الاسلام عن اقتناع .
وبجد أنا بحييكي جدا جدا على أفكارك الجميله .. و مجهوداتك دي ربنا يجعله في ميزان حسناتك يا رب..
وبحيي Admin على الرد الوافي ده ..

و النقطة دي عجبتني جدااا

cindrella كتب:: [

و كمان ما تبينيش ان فيه اختلاف بين الديانات .. بالعكس. وضحي ان كلهم بيدعوا لأنه اله واحد بس مع شوية اختلاف في وجهات النظر
و ان بس هم اختلافاتهم على حاحت عندنا حرام عندهم لأ
مش ده اللي هيخلي خلاف بيننا...

النقطة دي مختلف معاكم فيها شوية
لأن لازم تقول ان الدين عند الله الاسلام
يعني مفيش حاجة اسمها ده دين وده دين وعادي اختار اي حاجة
الاصح ان الديانات دي ديانات سماوية واخرها هو الاسلام
يعني تببين لهم ان الديانات دي ديانات سماوية ولكن الاسلام كان خاتمها حتي يوضح ماختلف فيه الناس ويوضح اي تحريف حدث
مثل انه اوضح ان الله الواحد الاحد
فلا تشتتيه ولكن حددي له اقرا عن الاسلام هو لما يقرا هيبقي لوحده بيقارن بين اللي هو فيه وبين الاسلام

يبقي بس نقطة الاعتراض انكم لازم توضحوا انكم بتدعوا للاسلام
ولكن ليس دعوة انك بتفرضي عليهم شيء

معاك و كل حاجة بس أنا مش قصدي كده

أنا قصدي ان طبيعي ان هيتوضح ان الاسلام هو الدين الكامل و كل حاجة ...
بس في نقطة..

أنا اتعلمتها من أخويا الكبير كان بيدعوا واحد للاسلام و كده واحد هو يعرفه من بره أصلا ..

واتعلمت من اسلوبه..

ده كان علماني . مالوش ديانه..

المهم ان هو لما جه يتكلم معاه قاه انت ليه مش بتعبد حاحة...
قاله أنا مش بعرف حاجة عن الديانات بتاعتكم دي ...
قولي عنها .,
بس انت ليه بتعمل معايا كده

قاله لأن أنا شايف انك حد كويس و احنا عارفين ان احنا لينا رب واحد بتدعوا ليه الديانات كلها مع شوية اختلاف في وجهات النظر ....

و أنا الحمد لله بعدبه و كلنا بنعبده .. علشان ان شاء الله ندخل الجنه..

وأنا بعمل كده لأني عايزك تبقى معانا في الجنه..

قاله انت بتصدق في الكلام ده
قاله طبعا ... ده اللي قاله اللي احنا بنعبده ( ربنا ) و قال ان اللي بيعمل كويس و يعبدني صح هيدخل الجنة ...

قاله يعني أنا لو عبدته هاجي معاكم ... (على الأساس انه نادي مثلا ) ... ده دليل انه أصلا مش فاهم ..
يبقى ما ينفعش واحد حياته كلها كانت بايظة كده يقوله خليك مسلم...
يحرمله كل حاجة في حياته مرة واحده كده...
صدقني مش هيكمل...

و بعدين قاله طيب أنا مش بعرف اختارلي انت ديانه .. قاله لأ مش أنا اللي أختار ..

انت تقرأ و تشوف اللي انت مرتاح فيه ..و الي انت تشوف انك تقدر تنفذ أحكامه كلها و صح .. اعتنقه ..
بس

اللي حصل بقى يا جماعه
ان الولد ده بعد فترة قاله أنا قرأت و بقيت يهودي....

على الأقل بيعبد ربنا .. مش علماني

مع ان في حاجات عندنا حرام و عندهم ما كانتش اتحرمت .. بس دي كانت خطوة منه كويسة...

بعد فترة قاله على فكرة انا قرأت أكتر و كنت دخلت كنيسة و كده و عجبني المسيحيه دي و أنا دلوقتي مسيحي ..

ده انجاز

بعد فترة قاله أنا بقيت زيك مسلم

يعني العمليه بالهداوة

هو كده دخل عن اقتناع .. و عمره ما يعبد ربنا على مضض لأنه هو اللي عايز ..

أنا ده اللي كنت عايزة أوضحه .. ممكن أكون ما عرفتش أوضحه كويس ..بس أنا اتعلمت الأسلوب الصح ده من اخويا